你平時每次刷牙刷幾耐？係咪日日刷牙就唔需要洗牙？🤔

我哋今次邀請到輪椅人士 Kent 同 Cindy 一齊挑戰【牙科快問快答】！💥

兩位除咗會分享日常刷牙小習慣，仲同大家揭曉到底邊個最怕睇牙醫！最重要嘅係，我哋會解答大家成日問嘅迷思——「每日都有認真刷牙，仲洗唔洗去洗牙呢？」

💡 診所小貼士：

即使每日認真刷牙、拉牙線，嘴入面都總會有刷唔到嘅死角。久而久之就會積聚牙石，而牙石係無辦法靠刷牙刷走㗎！建議大家每半年至一年定期洗牙，先可以保持口腔健康！

即刻睇片，睇下 Kent 同 Cindy 嘅精彩對答啦！